हितोपदेश १ Thumbnail

हितोपदेश १

दाऊदका छोरा इस्राएलका राजा सोलोमनका हितोपदेश:

जसद्वारा मानिसहरूले बुद्धि र अनुशासन प्राप्त गर्नेछन्‌,
अन्तवर्दृष्टिका कुराहरू बुझ्नेछन्‌,
एक अनुशासित र विवेकी जीवन जिउनेछन्‌,
सोझाहरू विवेकशील बन्नेछन्‌,
जवानहरूले ज्ञान र बुद्धि प्राप्त गर्नेछन्‌।

बुद्धिमान्‌ले सुनून्‌ र तिनीहरूको ज्ञान बढ़ोस्‌,
र विवेकशील व्यनक्तिलाई अगुवाइ मिलोस्‌,
जसद्वारा हितोपदेश र दृष्टान्तहरू,
बुद्धिमान्‌को आहान र रहस्यका कुराहरू तिनीहरूले बुझून्‌।

परमप्रभुको भय नै ज्ञानको सुरु हो,
तर मूर्खले बुद्धि र अनुशासनलाई तुच्छ ठान्दछ।

हे मेरो छोरो, आफ्नो बाबुको आदेश सुन्‌
र आफ्नी आमाको शिक्षा नत्याग।

ती तेरो शिरमा शोभाको मुकुट,
र तेरो गलामा सम्माकनको हार हुनेछन।

हे मेरो छोरो, यदि पापीहरूले तँलाई बहकाउन खोजे भने,
तिनीहरूको बहकाउमा नलाग्‌।

तिनीहरू भन्लागन्‌, “आऊ हामीसँग,
कसैको रक्तपात गर्न ढुकिबसौं,
कुनै निर्दोषलाई लुट्‌न ढुकिबसौं,
चिहानले निलेझैँ, र गहिरो भड्‌खालोमा परी त्यबसको पीँधमा पुग्नेनहरूलाई झैँ,
हामी तिनीहरूलाई पूरै जिउँदै निलौं।

हामी सबै किसिमका बहुमूल्य थोकहरू लिनेछौं,
र लूटका मालसामानले हाम्रा घर भर्नेछौं,
तिमी हामीसँगै साझेदार होऊ,
र हामी लूटको थैलोबाट बाँड्‌नेछौं।”

हे मेरो छोरो, तिनीहरूसँग नजा,
तिनीहरूको मार्गमा खुट्टै नराख्‌,
किनकि तिनीहरूका खुट्टा पाप गर्न हतारिन्छन्‌,
तिनीहरू रक्तपात गर्न आतुरी गर्छन्‌।

सबै पक्षीहरूका नजरको सामु
जाल फैलाउनु कति व्यर्थ!

यी मानिसहरू आफ्नै रगतको लागि ढुकिरहन्छंन्‌,
तिनीहरू आफै जाकिन ढुकिरहन्छन्‌!

बेईमानीसित कमाउनपट्टि लाग्नेगहरू सबैको अन्त्य यस किसिमले हुन्छन,
यसरी धन आर्जन गर्नेको जीवन त्यसैले छिनेर लैजान्छ।

बुद्धि सड़कहरूमा चर्को सोरले कराउँछ,
त्यसले आफ्नो आवाज बजारहरूमा उचाल्छ,
होहल्लाले भरिएका गल्लीहरूका पर्खालमाथिबाट त्यो चिच्याउँछ,
सहरका मूल ढोकाहरूमा यसरी त्यसले भाषण गर्छ:

“हे निर्बुद्धि हो, कहिलेसम्म तिमीहरू आफ्नो बुद्धिहीन मार्गलाई प्रेम गरिरहनेछौ?
कहिलेसम्मे खिल्ली उड़ाउनेहरू खिल्लीम उड़ाइरहनमा मग्न् भइरहने
र मूर्खहरूले ज्ञानलाई घृणा गर्दैरहने?

यदि मेरो हप्की् तिमीहरूले ग्रहण गरेका भए,
म आफ्नो हृदयका कुराहरू तिमीहरूसँग पोख्नेथिएँ
र मेरा विचारहरू तिमीहरूलाई थाहा गराउनेथिएँ।

तर मैले बोलाउँदा तिमीहरूले इन्कार गरेका हुनाले
र मैले आफ्नो हात फैलाउँदा कसैले ध्यान नदिएको हुनाले,
मेरा सबै अर्तीलाई तिमीहरूले बेवास्ताक गरेका हुनाले
र मेरो हप्की ग्रहण नगरेका हुनाले,
तिमीहरूलाई आपत्ति आइपर्दा म हाँस्नेछु,
विपत्तिले तिमीहरूलाई छोप्दा म खिल्ली उड़ाउनेछु–

जब आँधीबेहरीझैँ तिमीहरूलाई विपत्तिले ढाक्छ,
जब भुमरीझैँ आपत्ति तिमीहरूमाथि मड़ारिएर आउँछ,
जब सङ्कष्ट र दु:खले तिमीहरूलाई डुबाउँछन्‌।

“तब तिनीहरू मलाई पुकार्नेछन्‌, तर म जवाफ दिनेछैन,
तिनीहरूले मेरो खोजी गर्नेछन्‌,
तर मलाई भेट्टाउनेछैनन्‌।

तिनीहरूले ज्ञानलाई घृणा गरेका हुनाले
र परमप्रभुको भय मान्न नचाहेका हुनाले,
तिनीहरूले मेरो अर्ती ग्रहण नगरेका हुनाले
र मेरो हप्की तिरस्कार गरेका हुनाले,
तिनीहरूले आफ्नो चालचलनको फल भोग्नेछन्‌
र आफ्ना कपट योजनाको फलले आफै लादिनेछन्‌।

आफ्नै मनमानीपनले गर्दा निर्बुद्धिहरू मर्नेछन्‌,
र मूर्खहरूको आफ्नै निश्चिन्तताले तिनीहरूमाथि नाश आइपर्नेछ।

तर मैले भनेको कुरा जस-जसले सुन्छदन्‌ तिनीहरू सुरक्षामा जिउनेछन्‌,
र हानि-नोक्सानीको डरैविना ढुक्क‍ रहनेछ।

(दाऊदका छोरा इस्राएलका राजा सोलोमनका हितोपदेश)

Author
Tanka Subedi

About the Author

has written 6 articles on Weblog.com.np.

Visit this author's website   ·   View more posts by

Sharing is caring.
  • Share this post on Facebook
  • Tweet about this post
  • Share this post on Delicious
  • StumbleUpon this post
  • Share this post on Digg
  • Share this post on Mixx
  • Share this post on Technorati
  • Share this post on NewsVine
  • Share this post on Reddit
  • Share this post on Google
  • Share this post on LinkedIn
  • Subscribe to our feed

Discussion

No responses to "हितोपदेश १". Comments are closed for this post.

Comments are closed at this time.